Sondag 28 Junie 2026

09:00

Tema: Die genesing wat te eenvoudig was.
Skriflesing: 1 Konings 5:1-14
Aanlun skakel: https://youtube.com/live/EJ_aXb27FIA

🌿 SONDAGOGGEND EREDIENS 🌿

Liewe geloofsfamilie

Ons begin hierdie Sondag met 'n nuwe preekreeks:

Wanneer God anders werk

Ons almal het sekere verwagtinge van God. Ons bid vir antwoorde, genesing, leiding en verandering. Maar wat gebeur wanneer God se antwoord anders lyk as wat ons verwag het?

Hierdie week ontmoet ons vir Naäman – 'n magtige man wat by God kom soek na genesing, maar amper sy wonderwerk misloop omdat God nie werk soos hy gedink het nie.

Dalk is die grootste uitdaging van geloof nie om te glo dat God kan werk nie, maar om Hom te vertrou wanneer Hy anders werk as wat ons verwag.

Ter voorbereiding op die erediens, vra jouself die volgnede:

❓ Het ek al teleurgesteld gevoel omdat God nie op die manier geantwoord het wat ek verwag het nie?

❓ Is daar 'n gebed waarvoor ek steeds wag op 'n antwoord?

❓ Waar vra God dalk eenvoudige gehoorsaamheid van my, terwyl ek op iets groter wag?

❓ Vertrou ek God net wanneer ek sy plan verstaan, of ook wanneer ek dit nie verstaan nie?

━━━━━━━━━━━━━━━

🙏 Gebed vir die week

Here, gee my die geloof om U te vertrou wanneer U anders werk as wat ek verwag. Maak my hart oop vir U wil, en leer my om gehoorsaam te wees aan U stem, selfs wanneer die pad voor my onseker lyk.

Ons sien daarna uit om saam die Here te aanbid.