FINANSIËLE KOMMISSIE
FINANSIËLE KOMMISSIE
Debietorder
DEBIETORDER Die nodige vorms is in die kerkkantoor beskikbaar. Nadat u dit ingevul het, kan u dit by die kerkkantoor ingee. Aftrekkings word op die eerste dag van elke maand deur die kerkkantoor hanteer.
Die debietorder kan HIER afgelaai word.
Aftrekorder
U tref self die reëlings hiervoor by u bank. Aftrekkings vind maandeliks plaas op die datum wat met die bank gereël was. U van en voorletters moet as verwysing gebruik word. Die kerkkantoor moet in kennis gestel word dat u u bydrae op hierdie wyse gee.
Dankoffers
Die koeverte is op rakkies in die ingangsportaal beskikbaar indien u nie een ontvang het nie. Plaas u kontant of tjek in die koevert en gooi dit in die dankofferbussies in die ingangsportaal.
Omgeekoevert
Daar is ‘n afsonderlike koevert beskikbaar waarin u bydrae vir Gasvryheidsbediening geplaas kan word.
Neem asseblief kennis dat die omgeekoevert opsioneel is.
Geloofsoffer
Benewens ‘n maandelikse dankoffer is daar ook ‘n geleentheid om 1 keer per jaar ‘n GELOOFSOFFER aan die Here te gee. Dit is wanneer lidmate ‘n bonus by die werk ontvang of enige addisionele meevaller kry waarvan hy/sy ook ‘n deel daarvan vir die werk van die Here wil afstaan.
Direkte Inbetalings
U kan ook u bydrae elektronies oorplaas of dit direk inbetaal in die Gemeente se bankrekening.
Maak asseblief seker dat u van en voorletters op die transaksie vermeld word en stel die kerkkantoor in kennis dat u u bydrae op hierdie wyse gee.
Bankbesonderhede
NG Gemeente Overkruin
ABSA Bank, Rekeningnommer: 5260 142 552, Takkode: 632 005
DVK
Ons beskik ook oor ‘n Diensverhoudingekommissie (DVK) wat omsien na alle personeelaangeleenthede van ons Gemeente binne die bepalings van toepaslike wetgewing, die Kerkorde, Sinodale maatreëls en besluite, asook binne die raamwerk van algemene personeelbestuurspraktyke. Die DVK voer sy pligte uit in ’n styl van regverdigheid, billikheid, omgee en sorgsaamheid sover dit die belange van die Gemeente asook dié van die personeel betref. Die DVK wil op ’n diensbare wyse die bedieningsprioriteitsvereistes van die Gemeente en die potensiaal van die personeel bymekaar bring en strewe daarna om sover as moontlik, altyd ’n gelukkige onderlinge werkgewer/werknemer-verhouding te bewerkstellig.
Vorms vir die volgende sake kan op die blad afgelaai word:
Vorms vir die volgende sake kan op die blad afgelaai word:
Vorms vir die volgende sake kan op die blad afgelaai word:
Vorms vir die volgende sake kan op die blad afgelaai word:
"God loves each of us as if there were only one of us."